კოლუმბიის ტროპიკულ ტყეებში არქეოლოგებმა აღმოჩენა გააკეთეს, რომელსაც უკვე სამხრეთ ამერიკის ისტორიაში ერთ-ერთ ყველაზე მნიშვნელოვნად მიიჩნევენ. ამაზონის შეუღწევად ბუჩქნარში მათ დაახლოებით 12,500 წლის წინანდელი კლდის მხატვრობის გიგანტური გალერეა აღმოაჩინეს.
მეცნიერები ამ აღმოჩენას სიქსტეს კაპელას ადარებენ — მხოლოდ იმით, რომ ის პრიმიტიული ხელოვანების მიერაა შექმნილი. უძველესი გამოსახულებები 12 კილომეტრზეა გადაჭიმული და ათიათასობით ფიგურას მოიცავს: ცხოველებს, ფრინველებს, მცენარეებსა და ადამიანებს. კედლებზე შესაძლებელია კონტინენტის დიდი ხნის წინ გადაშენებული მცხოვრებლების დანახვაც კი — უძველესი სპილოების ნათესავების, რომლებიც აქ ათი ათასი წლის წინ ცხოვრობდნენ. სწორედ ამ გამოსახულებების წყალობით არქეოლოგებმა ნახატების დაახლოებითი ასაკი დაადგინეს.
მრავალი ნახატი იმდენად მაღლა მდებარეობს, რომ დეტალების სანახავად მკვლევრებს დრონების გამოყენება მოუწიათ. მეცნიერების თქმით, ამ ძეგლის სრულად შესწავლას ათწლეულები დასჭირდება.
აღმოჩენა გასულ წელს გაკეთდა, მაგრამ საიდუმლოდ ინახებოდა: არქეოლოგები მონაწილეობდნენ დოკუმენტური ფილმის, “ჯუნგლების საიდუმლოებები: ამაზონის დაკარგული სამეფოები”, გადაღებაში. მხოლოდ პრემიერამდე წარუდგინა გუნდმა აღმოჩენა მსოფლიოს.
ეს “ძველთა სამლოცველო” წარსულში ახალ ფანჯარას გვიღებს — დროში, როდესაც ხელოვნება წერის გამოჩენამდე დიდი ხნით ადრე კაცობრიობის ენა იყო.
