„ეს იყო მოდა… თუ უბრალოდ ზედმეტი ფილერები?“ 💉👀 დონატელა ვერსაჩეს მუდმივად ცვალებადი სახე დღეს იმდენივე განხილვის საგანია, რამდენიც მისი დიზაინები. ერთი მხრივ — თამამი სილამაზე, მეორე მხრივ — „ცვილის ფიგურის“ მსგავსი იერი. ფანები დავობენ: გააზვიადა თუ არა თავისი იკონური სტილი? იხილეთ ქვემოთ მოცემულ სტატიაში მოცემული ფოტოგალერეა „ადრე“ და „შემდეგ“👇
ეჭვგარეშეა, რომ ის თანამედროვე მოდის ერთ-ერთი გიგანტია. ბევრი ამბობს, რომ ის არის მრავალმხრივ ნიჭიერი ქალი, რომელმაც წარმოუდგენელ წარმატებას მიაღწია როგორც მოდელმა, დიზაინერმა და ბიზნესვუმენმა. მისი ათწლეულებზე გადაჭიმული კარიერა მას ერთ-ერთ ყველაზე გავლენიან ფიგურად აქცევს მოდის სამყაროში, ხოლო მისი იკონური სტილი მაღალი მოდის სინონიმად იქცა. ძმის — ჯანი ვერსაჩეს გარდაცვალების შემდეგ, მან მემკვიდრეობით მიიღო ბრენდის ნაწილი და გახდა მისი კრეატიული დირექტორი. სწორედ მას უკავშირებენ 1990-იანი წლების სუპერმოდელების ფენომენს.
დონატელა დაიბადა იტალიაში, იყო ოთხიდან უმცროსი შვილი. დედა კერვით იყო დაკავებული, მაგრამ სწორედ ძმა ჯანი იყო ის, ვინც მას მოდისადმი ვნება განუვითარა. სწორედ მან მოუწოდა, რომ თმა გაეღიავებინა — რაც მოგვიანებით მისი სავიზიტო ბარათი გახდა. მიუხედავად იმისა, რომ უნივერსიტეტში ენებსა და ლიტერატურას სწავლობდა, ხშირად ატარებდა დროს ძმასთან, რაც დიდი გავლენას ახდენდა მის შემოქმედებით ხედვაზე. ჯანიმ მას არა მხოლოდ სუნამო მიუძღვნა, არამედ საკუთარი ხაზიც შეუქმნა.
ძმის გარდაცვალების შემდეგ დონატელამ აჩვენა, რომ მზად იყო მის მემკვიდრეობაზე ეზრუნა და ბრენდისთვის ახალი, ფემინისტური ხედვა მიეცა. მისი ერთ-ერთი ყველაზე ცნობილი ქმნილება ჯენიფერ ლოპესმა 2000 წლის გრემის დაჯილდოებაზე მოირგო. მისი სამოსი ასევე აცვიათ ლედი გაგას, მადონას და სხვა პოპ-კულტურის ვარსკვლავებს. თუმცა, ყურადღება მხოლოდ მის დიზაინებს კი არა, არამედ მის არასტანდარტულ გარეგნობასაც ექცევა.
მისი სახე აშკარად შეიცვალა წლების განმავლობაში, თუმცა დონატელას არასდროს დაუდასტურებია გავრცელებული ჭორები. გავრცელებული ინფორმაციით, მან ჩაატარა სხვადასხვა ესთეტიკური პროცედურები, მათ შორის ლიფტინგი, ლოყის იმპლანტები და ტუჩის ფილერები — რის გამოც მას ხშირად „ცვილის ფიგურას“ ადარებენ და აკრიტიკებენ ბუნებრივობის არქონის გამო. ზოგის აზრით, ოპერაციებამდე ათჯერ უფრო ლამაზი იყო.
თქვენ რას ფიქრობთ?
